President´s wife 2
Presidentearen emazteak gimnasia egiten du
eta senarra
atean izaten du zain.
Presidentearen emazteak
bere semearen kirol jantziekin egiten du gimnasia.
Ostolaza arraroa da
Poztu naiz
esan didazunean ez dela hain arraroa
bakarra nintzela uste bainuen.
Baina zure irribarreak lasaitzeko esaten zidan,
ez naizela hain arraroa,
zuk ere barrukoak idazten dituzula.
Baina, nago ez ote garen bi arraro
zu eta ni
Zuk ezetz erantzun didazu irribarrez,
ezetz,
ez garela arraroak, eta bagina, ez litzatekeela ezer txarra.
Eta nik orduan desiatu dut
desiatu
arraro izatea.
Zurekin arraro izan behar badut,
plazer bat izanen delako.
The president
Presidente jauna gizon harroa da,
bere burua presidente izendatzeko harroa behar du izan…
eta, “presidente” hitzak berarekin darama “boterea” ere,
boterezalea, beraz, presidentea…
Saiatuko da beti goitik behera begiratzen,
nahiz eta txikia izan,
hanka puntetan jarriko da,
edota mahai gainean, akaso…
baina goitik behera begiratuko dizu…
eta hori ez, inola ez, hori ez dut gustuko.
President´s son
Presidente jaunaren semea
bakartia da…
ez du aitaren antzik…
aitak besteei agintzen dien bitartean
besteek agintzen diote semeari
Aitak ez daki hori…
President´s wife
Presidente jaunaren emaztea
isila da…
senarrak esaten baitu esan baharreko guztia,
eta gehiago…
Presidente jaunaren emazteak
ez du erabakirik hartzen
senarra gai baita bere erabakiak ere hartzeko…
bere azken erabakia,
presidente jaunarekin ezkontzea izan zen…
President´s glasses
Presidente jaunaren antiajuak
karratuak, karratu luzeak
nik ez ditut horrelakoak erosiren…
presidente jaunaren antza edukiren nukeelako.
Eta ez, hori ez, sekula, hori ez dut nahi.